𝗛𝗜𝗡𝗗𝗜𝗞 3.0: 𝗦𝗔𝗣𝗜

SAPI (True Story)

By: Davelyn Grace Zubiaga 

Nagalisik nga mga mata..

Nawaeas nga mga alima..

Hibayag at singgit nga bukon yun it limog it tag iya.. 

Kabaskog nga indi mapuko bisan tatlo pa ru nagabuyot kana.. 

Ag ru anang tueok.. tueok nga nagangisi..

Pinangadian namon imaw ugaling

ginhibaygan na eang ako ag ginsuni suni ..

Hasta sa katungaan tinueok na ako ag gumawa ru limog nga bukon ana.. 

Limog nga makara ko eang habatian kana.. 

KASANGAG..PAGHIPOS.. !!! PAGHIPOS!!! HUMIPOS KA!! 

Singgit nana .. nga sige gihapon winaeas bisan daywa un sa alima at sambato sa siki ru nagapuko un kana.

Pilang dag on yun ru nagtaliwan pero hasta makara akon gihapon natandaan tag natabo sa among training idto sa Iloilo..

Kaibahan abi ako sa Basic ROTC officers iya sa NVC tag ngCollege ako, kaya gani may among summer training sa Dingle Iloilo it isang buean agud makaproceed sa pagka 2cl officer. Kaibahan kara ru sari sari nga college schools halin sa Aklan, Iloilo ag Capiz.

Isang buean ru among training ag ido kami gatiner, gacamping.. Sa una nga mga inadlaw padayun mata ru mga routine.

Army dozen ag exercise sa agahon, jogging sa buong campo bago mag pamahaw, klase at syempre "masi-masi".

Pero sang adlaw nakibot kami tag isang hapon my buddy kami nga gingpull out sa klase ... Eaum gani namon natueogan si buddy kaya ging papush up anay para mabugtawan.. uwa mata namon man pag isipa, kasi normal yun kamon nga my mga makaron specially kada hapon nga tigdueoyog .. kung madakpan ka na patulogtulog sigurado ma push up ka or squatras gid agud mabuol ing duyog.

Tag nagsunod nga adlaw uwa nakabalik tg buddy namon ngato nga ging pullout ,bati namon ging Sickcall imaw sa clinic. Pero tag nahapunan nakibot kami tg my sumingit sa among klase, eaki namon man nga buddy nagawaeas at nagalisik ro anang mata. Indi ko matandaan kung anu un du ngkaeatabo dahil gani bigla nga ngkagulo.,kaya gingpabalik nanda kami sa among mga tent agud mgpahuway anay idto.

Nasayran namon nga tag baye namon ngato nga buddy nga nasickcall hay ng makato man kaya ging daea sa clinic.. nagawaeas man ag gulpi nagahibayag ,nagatinangis ag du limog bukon gid ana..hambal ngani it ang mga buddy ginsapian. Gingkuebaan kami nga nagaisturya. Sambato sa buddy namon ngsugid nga my third eye imaw ag hambae nana my nakita kuno imaw nga anino nga ngsueod sa tent it among buddy ngato nga ging sapian gabie bago natabo ru pagsapi kana, nagwarning man imaw nga bukon eang isang tent ru my nagsueod nga anino, pilang bilog kamon kaibahan yun ru tent nakon.. 

Kinulbaan gid ako dahil duyon man nga gabie batyag ko gid nga my nagadagan kakon habang ga tueog ,mabugAt ag nagapuko.

Kinahapunan bago mag alasays nag parosaryo du buong campo.. pero bago matapos du rosaryo natabo ru sang kabagay nga di ko gid malipatan..

Sambato namon nga buddy ru gulpi dumaeagan sa field.. nakibot kami 

kung naalin imaw, pagabot na sa tunga nalipong imaw it gulpi. Gingeagas imaw it mga kaibahan namon ag gingbalik sa among room nga ginrosaryohan pero pagbugtaw na umumpisa imaw nga ngsininggit ag nagwinaeas. Pila man sa among mga buddy du ga puggong kana pero di imaw madaog daog sa anang kusog. 

Padayun among pagpangadi bisan grabi un among kueba hasta amat amat ..tigsambilog sa among ibang buddy ru gingpangsapian man pati ru iba nga unit. 

Hasta sambato sa buddy namon nga taga Aklan ru mismo ging sapian.

Gulpi imaw nagtangis.. 

Ing pangutana namon kung naalin imaw..pero uwa imaw nagsabat.

Sige anang tinangis ag nguynguy nga nagpatindog sa among mga balahibo.. dahil parehas sa ibang ging sapian bukon yun it imaw to..

Imaw man nagwaeas. Maisot nga pagkabaye pero ayawan it buyot ru tatlo namong buddy nga eaki. Gingsakyan imaw it sambato namon nga instructor agud eang di imaw makahueag sabay pangamuyo kana. Ging hambae namon imaw nga mag sukoe ag magsabay kamon sa pangadi. Nagasabay imaw pero sa makapanindog balahibo nga paagi. Nagangisi..ag ru anang mata dyu sakiton na un kami. Kung pangutanon imaw sa anang pangaean hay indi imaw kasabat ag padayun ru anang pagwaeas

Sa katungatungaan it pagpangamuyo ako ru bumueos , binuol ko du bible nga akong daea ag nagpangamuyo kana. 

Uwa pa ako natapos tag nagsinggit imaw kakon nga KASANGAG!! PAGHIPOS!! 

Duyon du ginabalik balik nana nga ginahambal pero ging pabaskog namon ru tiwala sa ginoo agud matapos namon ru among pangamuyo. 

Naghupa ru pagwaeas it among buddy tag umabot ru pari nga gingsueang it among mga instructor. Ging pangadian nana sanda ag ginwisikan it holly water dato nga nagkalma sanda.. duyong gabie uwa un kami hakatueogan dahil sa kueba ag sumabay pa ru uean.

Sa sumunod nga adlaw ging pablessingan ro buong campo kaibahan kami tanan nga mga ga training. Nagpatawag man it albularyo ag idto nasayran nga may nasamad kuno nga bungsod eapit sa cr kaya naakig ru tag ana kaya natabo ru pagsapi sa mga buddy namon. Ging alayan nanda it orasyon ag haead tag nasabing bungsod nga nasamad ag sa mga sumunod nga adlaw hay uwa un man it natabo nga sapi. Ging padayun namon du rosaryo kada hapon hasta natapos ru training ag nakagraduate kami sa 3rd class. Naguli kami magsig lugar nga ginhalinan pero daea namon duyong experyensya nga di gid namon malipatan.

P.s 

Sa sumunod nga dag on bumalik man kami idto para sa among ARAPT . Training man namon agud makaproceed sa 1st class. Sayud nyo kung ano natabo?

Nakasubeang malang ako it white lady sa CR tag ako lng bilin pabalik sa tent namon.

🖼️: Jamaica Falco, Editorial Cartoonist